पुरानो राजनीतिले बुझ्न नसकेको नयाँ पुस्ताको सोच

https://www.onlinekhabar.com/2025/11/1801067/the-thinking-of-the-new-generation-that-the-old-politics-cannot-understand 

नेपाल अहिले राजनीतिक रूपमा अत्यन्तै संवेदनशील चरणमा अनुमानै गर्न नसकिने अस्थिरताबाट गुज्रिइरहेको छ। संविधानसभाबाट बनेको संविधान छ, सोही संविधानको शपथ खाएको सरकार छ। यसको कार्यभार विघटित प्रतिनिधिसभाको निर्वाचन घोषित मितिमै गराउनुछ। यद्यपि, यो सरकार संविधानको सरकार बन्ने धारा ७६ बमोजिम बनेको हैन।

वैधताको धरापमा उभिएको सरकार हुनुका नाताले संक्रमणको यो संवेदनशील घडीमा सडकदेखि सरकारसम्म, गाउँदेखि शहरसम्म, सानो नीतिगत निर्णयले पनि अस्थिरता सिर्जना गर्न काफी हुन्छ।